Moito medo!

 Chegadas a estas datas a nosa biblioteca, os corredores, os recunchos énchense de sorpresas que nos fan 😱😱😱

Javier Fontenla, unha vez máis, agasállanos cos seus contos terroríficos. Atréveste a lelos?

E non podía faltar a mesa de lecturas variadas, cun elemento común: MOITO MEDO!

E, por suposto, non podía faltar o concurso de relatos de terror, que este ano ten como punto de partida a lectura dos 13 Avisos de Paula Carballeira. E ti, a que lle tes medo? Veremos quen nos asusta máis, o premio ha ser  TERRORÍFICO!

Semana das bibliotecas

O lema deste ano é Contra a desinformación, bibliotecas, co que se trata de chamar a atención sobre a importancia de acceder a fontes de fiar, contrastar información e desenvolver o pensamento crítico.

O equipo de biblioteca do IES Otero Pedrayo, coa axuda da Asesoría de B.E. de Galicia, elaborou as seguintes propostas que se iniciarán o día 24 de outubro e continúan a semana seguinte (todo na medida en que cadaquén o estime oportuno e con cabida para as aportacións persoais):

• Día das bibliotecas, venres, 24: Texto para lectura en voz alta na Hora de Ler.  Este texto fala sobre as bibliotecas, sobre a nosa en particular (tamén sufriu un grave incendio hai case 100 anos!) e dá información algunha para a resolución dos enigmas que se darán a coñecer o luns, 27 de outubro.

• Venres 24 de outubro ás 10 h: Charla en liña, ofrecida por La Voz de Galicia, pensada para alumnado de educación secundaria, a cargo do xornalista César Rodríguez, dende a biblioteca do iES Urbano l. de Malpica. Tratará sobre a IA (desInformAción) e abordará cuestións como que é a desinformación, en que contexto se produce, a IA e a sabedoría das multitudes: algo é certo se se repite moito, imaxes e vídeos: autopistas para a desinformación e facilitará pautas para combater a desinformación clásica e a nova.  

  Despois da emisión en directo quedará dispoñible en diferentes plataformas para que aquelas persoas interesadas poidan acceder ao contido en diferido.
  

• Luns, 27: "Resolve os tres misterios". Actividade de investigación dirixida ao alumnado da ESO, xa publicitada no pantallón durante esta semana. Os misterios e algún material para resolvelos estará na Biblioteca. Ademais de material bibliográfico, os participantes poderán facerlle dúas preguntas ao profesorado (evidentemente non a resolución dos misterios), e tamén guiarse polo que escoiten no texto da H. de L. xa mencionado. Non chega con responder as preguntas, teñen que indicar as FONTES.

• Mesa de libros que tratan de bibliotecas públicas e privadas, librarías, lectores e lectoras voraces...

Afouteza. Lecturas de verán

 

Aquí a marabillosa colleita das lecturas de verán do noso club! Variedade, sedución, fame de ler!!!

Afouteza 25/1

 

Próxima lectura, con Afouteza

Día das escritoras

  1975: Escribide, compañeiras!

"As escritoras activas ao redor de 1975 reflicten en moitas das súas obras o desexo dun cambio profundo e radical nas vidas das mulleres, denuncian a falta de liberdade e de autonomía, dan testemuño do que ocorre fóra de España, esixen unha nova orde amorosa e un cambio nas leis que as veu marxinando durante o franquismo". 

Anna Caballé, comisaria da X edición del Día de las Escritoras

Coma en edicións anteriores, sumámonos á convocatoria e preparamos as seguintes actividades:

• Selecta de textos para ler en voz alta durante a Hora de Ler.
• Exposición As Sinsombrero: no corredor da biblioteca. Para coñecer mulleres artistas (non só escritoras) pouco coñecidas da coñecida Xeración do 27
• Mesa de Escritoras: no corredor da biblioteca. Para achegarnos a libros escritos por mulleres.
• Editatona: promovido pola Biblioteca Nacional. 

Israel-Palestina

 Segunda parte da visita á Biblioteca Nós e á exposición Heart of Gaza 

A corazón aberto, creacións marabillosas, puntos de vista que completan o mapa.

Na procura da verdade.

Día das Bibliotecas

Dende 1997 celébrase o Día das Bibliotecas o 24 de outubro,  unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.

 

O lema deste ano, "Contra a desinformación: bibliotecas", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na loita contra a desinformación.

As bibliotecas combaten a desinformación non só a través dos seus recursos, como as coleccións de libros e prensa ou as bases de datos, senón tamén a través dun uso adecuado das novas tecnoloxías. E, por encima de todo, as bibliotecas son un dique de contención contra a desinformación grazas ao seu persoal bibliotecario, que traballa como curador de contidos e apoio aos usuarios na procura de información a través de fontes fiables e contrastadas. 

 

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio,  lugares que contribúen á formación dunha cidadanía crítica, activa e comprometida.

A nosa biblioteca está a preparar un xogo que presentaremos pronto, para unirnos a este lema:

CONTRA A DESINFORMACIÓN, BIBLITECAS