domingo, 31 de outubro de 2021
Cen anos de Nós
xoves, 28 de outubro de 2021
Outono de medo
Achéganse días escuros, axeitados para lecturas escuras ó calor dun lume purificador. O Samaín, o día de defuntos, os magostos...
No nome da muller morta
Cuentos macabros
Na nosa biblioteca cambiamos o decorado, rescatamos bruxas, trasnos, meigas, ata a Sta. Compaña dos andeis.
Ademais, propuxémosvos un concurso que xa está fervendo!
luns, 25 de outubro de 2021
domingo, 24 de outubro de 2021
luns, 18 de outubro de 2021
Safo, a primeira escritora
venres, 15 de outubro de 2021
Día das escritoras
Durante toda a semana próxima faremos ben visibles as mulleres escritoras. En tódalas linguas que poidamos, en tódolos formatos, en tódolos xéneros...
Dende Safo de Lesbos ata Olga Novo, pasando por Rosalía, Mary Brontë, ou Amy Tan, todas sairán dos andeis da nosa biblioteca, agardando a que abras e leas os seus textos.
mércores, 13 de outubro de 2021
Medramos
Estamos abrindo espazos para que o arrecendo dos libros vellos e novos viaxe por todo o centro e non podades resistir a tentación de achegarvos.
Coma se fose o forno onde se coce o pan de cada día.
martes, 12 de outubro de 2021
Novas
Recordade que, ademais das lecturas obrigatorias das distintas materias, na biblioteca temos libros para todos os gustos: grandes, pequenos, poesía, prosa, verdes, azuis, colorados... Podes vir curiosear e de seguro que atopas algo interesante.
Ademais non paramos de recibir libros novos, porque hai moitas suxestións.
Cal é a túa?
xoves, 7 de outubro de 2021
Premio Nobel de literatura
Non vai ser doado conseguir unha obra do galardoado este ano, traducida a unha das nosas linguas. Haberá que agardar a que se reediten.
Traducidas ó castelán:
Paraíso (1994) ed. El Aleph (descatalogada)
Precario silencio (1996)ed. El Aleph (descatalogada)
En la orilla (2001) ed. Poliedro (editorial que xa pechou)
En inglés:
Memory of Departure (1987)
Pilgrims Way (1988)
Dottie (1990)
Desertion (2005)
The Last Gift (2011)
Gravel Heart (2017)
Afterlives (2020)
Buscamos nome
Comezamos o noso camiño cun nome provisional. Agardamos suxestións. E se son moitas votaremos a que máis nos guste. Pensade, pensade...
Podedes deixalas nos comentarios desta entrada, na caixa que está a carón da porta ou por correo electrónico otero.biblioteca@gmail.com