Moito teatro!

Durante esta semana levamos a escena as actividades que preparamos con agarimo para festexar  o teatro e a muller que queremos lembrar e homenaxear como se merece: Begoña Muñoz Saa.

E na Hora de ler o alumnado representou en cada clase unha selección dos textos adaptados ou creados para a mocidade por Begoña!

La maldición del maestro

 O club de lectura aleitando continúa coa súa paixón por Laura Gallego.

Este trimestre adicárono a La maldición del maestro: leron, imaxinaron, volveron ler e compartiron as súas sensacións con e sen alfombra máxica😜

E ademais, estrenamos chapa!!!!!

Arredor do Teatro con Fina Calleja e Fernando Dacosta

 Obradoiro marabilloso o que ofreceron estes dous actores a alumnado de 3º da ESO e do Club de lectura Aleitando e de 1º de ESO.

Seguimos a celebrar o teatro como nos propuxemos a principio deste curso!

O último celador do vello manicomio de Celavella. Non abras a cámara!

 Pódese ser máis creativo? Mateo, despois da lectura do libro de Paula Carballeira, 13 avisos, co club de lectura en galego de 1º de ES ideou este prodixio, cuns textos non menos fermosos que a propia presentación! E non foi o único que deixou voar o maxín. Ariana, Anaïs, Pablo... deleitáronnos cos seus avisos!

Día da poesía

 Un ano máis démoslle espazo á poesía creada no propio centro: alumnado e profesorado, algúns membros dos clubs de lectura, compartiron cun público ansioso os seus poemas. 

Ademais foi momento de felicitar a Gabriela Fernández Gómez, de 2º de Bacharelato, polo 2º premio coa súa poesía Memorias dunha astrónoma nos LIII Premios Minerva. Que alegría

Na Hora de ler os textos foron estas fermosísimas composicións do noso alumnado.

O departamento de Bioloxía sumouse á nosa proposta celebrando o día dos bosques en clave poética:

Como complemento a todo isto engadimos novidades ao noso estante "Poesía para todos os gustos".

8M

 Un ano máis todo o centro se uniu para poñer as mulleres no CENTRO.

Aquí un resumo de todo o argallado polos distintos equipos que traballamos na mesma dirección: Biblioteca, EDLG, Proxectas de igualdade, Vicedirección.... e todas as persoas que convivimos no IES Otero Pedrayo.