Dentro das actividades do día das escritoras, o Otero Pedrayo contou coa mellor para dar un obradoiro de teatro: Celia Díaz.
O alumnado de 1º ESO fixo improvisacións, coñeceu as principais características dun texto teatral, creou e representou. A nosa biblioteca encheuse de historias vividas por un sinfín de monicreques... Que actividade tan bonita!
Grazas, Celia, pola maxia que lle pos a cada actividade que desenvolves.
O 1 de outubro de 1931, produciuse nas Cortes Constituíntes o debate e a votación que levaron a incorporar o voto feminino á constitución que se estaba elaborando e que sería aprobada no mes de decembro.
A principal impulsora de que o sufraxio feminino fose unha realidade foi CLARA CAMPOAMOR. Desde a biblioteca do Otero Pedrayo recordámola e rendémoslle homenaxe a esta avogada, feminista, autodidacta e muller valente, tan esquecida durante anos.