Día de Rosalía

Chegou o día, chegou a romaría. 

Chegaron as flores que se espallaron cos versos polos corredores.

Alumnado voluntario da Biblioteca repartindo flores e versos de Rosalía.

E o alumnado de 1º de Bacharelato C  elaborou este precioso mural "Sementando Pensamentos"

O alumnado de 3º e 4º da ESO preparou un festival de poesías de Rosalía: recitadas, con música, en diferentes linguas, con diferentes acompañamentos... 

Todo POR ROSALÍA!

Vai chegar Rosalía

 Na biblioteca preparamos unha caixa de versos de Rosalía para mañá. E tamén chegarán as flores. 

 

A nosa mesa de escolmas loce moi fermosa!

Febreiro mes de...

 

Día internacional da muller e a nena na ciencia

 

No ano 2015, a ONU estableceu un Día Internacional para recoñecer o rol crítico que xogan as mulleres e as nenas na ciencia e a tecnoloxía, a través da Resolución A/RES/70/212. A finalidade é lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas.

 

Esta é unha data que cada ano se traballa máis nas bibliotecas cara a paliar a brecha de xénero nos sectores STEAM, visibilizando o traballo das mulleres nestas áreas e coñecendo as dificultades que atopan. 

Durante esta semana o equipo de voluntariado, preparou unha selección de obras que nos lembran mulleres científicas.

 

Palabras para a paz

Hoxe Elizabeth e Naia colocaron no mural as palabras para a paz recollidas a semana pasada. Parabéns a todas as persoas que participaron!

CÓMIC

 Coñecedes este programa? Se che gusta a novela gráfica, o cómic, a ilustración... pincha na imaxe e escoitarás o último programa, no que, entre outras moitas cousas, nos informan da próxima celebración do día do cómic: o primeiro sábado de marzo.

Tamén nos recomendan algunhas novidades:

E tamén podes mandar as túas recomendacións

Voluntariado

Como  fomos informando, precisamos máis espazo para que as marabillas que a nosa biblioteca garda se vexan mellor e se utilicen máis.

Despois duns días de formación (xestión e catalogación de fondos, ubicación, disposición segundo as etiquetas...), o alumnado do programa de voluntariado xa iniciou o seu traballo! 

Mentres un grupo pon cada cousa no seu novo sitio, outro grupo está preparando novos carteis que permitan localizar con facilidade o que se busca. E tamén, abrir un espazo informativo da biblioteca no noso "Instituto anexo". Alí traballan varias rapazas de 1º e 2º de Bacharelato!