Recomendacións para o Nadal

 

Concurso de fotografía

Guillerme, un dos nosos voluntarios, propuxo convocar un concurso de Fotografía, coa temática de Natureza. Que boa idea.

Aquí tedes as bases. O prazo de presentación queda ampliado ata o día 8 de xaneiro de 2025

Moita ciencia en galego

Rematou o mes de novembro, adicado á ciencia en galego, pero  algunhas actividades prolongaranse en decembro. 

Saíron cousas marabillosas que merecen perdurar! Como os experimentos no lecer que acabaron convertíndose en Feira de ciencia e que souberon a pouco no tempo de lecer. Que bo traballo!

Primeiro de ESO traballou a fondo con Tales de Mileto. Aínda nos falta o broche final: medir o noso instituto como fixo Tales coas pirámides. Témolo todo preparado para un día en que haxa SOL e SOMBRA!

E o todo o alumnado de 1º de ESO interpretou os nomes científicos dos animais que colgan nos corredores, despois de aprender un pouquiño de grego!

Ciencia en galego

 

Mes da ciencia en galego

 Comezamos este mes cun proxecto de actividades engaiolante: experimentos a cargo do departamento de Física e Química, prácticas de matemáticas e paseos etimolóxicos polos nosos corredores. Ademais imos enchendo os nosos recunchos de libros que nos transportan ós marabillosos mundos do saber. 

Seguiremos informando!

Manolo Rivas: premio Nacional das Letras españolas

 Un dos nosos autores máis queridos e lidos. Que boa nova. Aquí o texto da resolución

As voluntarias e voluntarios da biblioteca apuraron a buscar todas as obras que temos nos nosos fondos. Costou atopar algunha que se deslizara entre as de Riveiro Coello (de cando en vez cómpre revisar estes movementos inesperados😉) pero conseguimos unha boa escolma!

O recuncho do teatro

 Esta semana inauguramos este precioso recuncho da biblioteca para ir colocando escenario, actores, obras... e todo o que se nos ocorra!