Unha parte do club de lectura Afouteza achegouse á presentación do novo libro de Ledicia Costas, Pel de cordeiro, mentres estamos lendo Golpes de luz.
En palabras da escritora, benquerida polo noso club, un aquelarre en toda regra!
E unha das nosas bruxas presentes conseguiu este trofeo!
O próximo luns será un día de dobre degustación: veremos e comentaremos o primeiro episodio da versión televisiva deste libro de referencia no Club de lectura Diverso. E ademais probaremos os melindres que as nosas cociñeiras están a preparar. Devecemos por que chegue o día!
En colaboración co EDLG levamos un tempo dando a coñecer á protagonista do Día das Letras galegas 2024, Luísa Villalta. Comezamos amosando a súa obra poética e narrativa, sen esquecer a súa dimensión musical, nun dos recunchos da nosa biblioteca.
O día 16 foi o día grande. Na biblioteca un bo grupo de voluntarias e voluntarios leron algúns dos seus fermosos poemas coa música interpretada ao violín (instrumento benquerido pola poeta) por Guillerme. Como gozamos!
Entre as actividades ao redor do Día do libro, o concurso de deseño de marcapáxinas ten unha longa tradición no Otero Pedrayo.
Este ano houbo moita participación grazas á colaboración do Departamento de Plástica. Por iso o xurado tivo difícil decidir cal sería o escollido para levar á imprenta e ser agasallo para toda a comunidade educativa.
Finalmente foi Daniela Rodríguez Márquez, alumna de 4º da ESO, a que acadou o premio. Como finalistas acompañárona Polina, Irene, Sara, Gaia e Sabela.
Parabéns a todas elas!
.jpeg)
